Html_13


HTML Form

ဒီအခန်းမှာတော့  HTML Form တွေအကြောင်းကိုလေ့လာသွားမယ်၊ HTML Form တွေကို  Server ကို လိုအပ်တဲ့အချက်အလက်တွေပို့တဲ့အခါသုံးတယ်၊ ဒီသင်ခန်းစာမှာတော့ HTML Form တွေကိုလက်တွေ့တည်ဆောက်ပုံကိုသင်ပြပေးသွားမယ်၊ အသုံးချပုံကိုတော့ PHP သင်ခန်းစာမှာလေ့လာရပါမယ်၊ သင်မယုံကြည့်နိုင်လောက်အောင် အသင်းဝင်တွေကို အလိုလျှောက် စစ်ဆေးတဲ့ စနစ်၊ အသင်းဝင်အသစ်တွေကို စာရင်းသွင်းတဲ့ စနစ်၊ ငွေကြေးတွက်ချက်မူတွေကိုလုပ်ပေးတဲ့စနစ်၊ ဘဏ် ငွေရှင်းမူ တွက်မူတွေကို အလိုလျှောက်လုပ်တဲ့ စနစ်၊ ဖိုရမ် Forum တည်ဆောက်တဲ့စနစ်၊ Live chat ချက်တင် တွေကို တည်ဆောက်တဲ့စနစ် နဲ့ အခြား ပြောင်မြောက်လှတဲ့ နည်းပညာတွေကို PHP သင်ခန်းစာမှာလက်တွေ့လေ့လာရမှာပါ၊ အခုတော့ HTML Form တွေတည်ဆောက်ပုံကိုပဲ လေ့လာကြမယ်၊Form တွေကိုတည်ဆောက်ဖို့ သုံးတဲ့ HTML Tags ကတော့ <form> အဖွင့်နဲ့ </form> အပိတ်တို့ပါ၊ အောက်မှာ တည်ဆောက်ပုံ ဥပမာ၊

<form>
Element
</form>

အထက်က ဥပမာ အတိုင်း HTML Form တွေကိုတည်ဆောက်နိုင်တယ်၊ သူတို့အထဲမှာ အသုံးပြုလိုတဲ့ Element ကိုထည့်ရတယ်၊အသုံးအများဆုံး HTML Element ကတော့ input element ပါ၊ သူ့ကိုတော့ သင့်ဆိုက်ကိုလာရောက်အသုံးပြုသူပေးပို့လိုက်တဲ့ သတင်းတွေကို ရွေးချယ်မှတ်သားဖို့အတွက်အသုံးပြုတယ်၊ ဘယ်လို အချက်အလက်လဲ ဆိုတာကိုပေါ့၊ ဥပမာ သင်က အသင်းဝင် တွေဖြည့်ရမယ့် Email Adress နဲ့ Password ဆိုတဲ့အချက်အလက်တွေကို အသင်းဝင်တွေဆီက ယူချင်တယ်ဆိုရင်ဖြင့်အောက်ပါအတိုင်း input element ကိုရေးနိုင်ပါတယ်၊

<form>
Email : <input type= “text” name= “eamil” >
Password : <input type = “password” name = “password”>
</form>

အထက်က HTML Form ကို သင့်ဝက်ဆိုက် HTML Document ထဲမှာရေးပြီး Run ကြည့်ပါ၊ ဒါဆိုရင်တော့ အောက်က အတိုင်း ပုံမှာပါတဲ့ HTML Form နှစ်ခုကိုရမယ်၊
အထက်က ပုံမှာ သင် Input element ကိုသုံးပြီးရေးလိုက်တဲ့ email နဲ့ password တို့ဖြည့်ရမယ့် HTML Form ကိုရမှာပါ၊ ရေးပုံက
Email : <input type= “text” name = “email” >

ရှေ့ဆုံးက Email ကတော့ HTML ကုတ်မဟုတ်ပါဘူး၊ ရိုးရိုးစာသားပါ၊ <input type ဆိုတာကတော့ input Method ကိုသုံးတာပါ၊ type ကတော့ ဘယ်လိုအမျိုးအစား input Method ကိုသုံးမှာလဲဆိုတာကိုပြောဖို့ပါ၊ သင်သုံးလိုတဲ့ အမျိုးအစားကိုတော့သိဖို့လိုတယ်၊ Email အတွက်တော့ Email လိပ်စာမှာ Textဆိုတဲ့ စာသားတွေပါမှာဖြစ်လို့၊ input type = “text” လို့ထည့်ထားတာပါ၊ နောက်က name ကတော့ Attribute တစ်ခုပါ အခုထည့်မယ့် form ရဲ့နာမည်က name ဖြစ်တယ်လို့ပြောတာပါ၊ သူကလဲ JavaScript နဲ့ တွဲသုံးရင် အလွန့်အလွန်ကိုအရေးကြီးလှပါတယ်၊ JavaScript ရဲ့ Form Validation မှာ သိပ်ကိုအသုံးဝင်လှလို့ သူ့ကို တော့ထည့်ဖြစ်အောင်ထည့်လိုက်ပါ၊နောက်ထပ် Form တစ်ခုကတော့

password : <input type= “text” name = “password” >

ဒီစာသားကလဲရိုးရိုးရှင်းရှင်းလေးပါ၊ ရှေ့ဆုံးက passwordဆိုတာကတော့ ဒါက password ထည့်ရမယ့် အစိတ်အပိုင်းဆိုတာကို ပြောတယ်၊ သူက HTML Tag မဟုတ်ပါဘူး၊ <input type= “password” ဆိုတာကတော့ ထည့်သွင်းအသုံးပြုမယ့် အမျိုးအစားက “password” လို့ရေးထားတာပါ၊ တစ်ချို့တွေက အဲ့ဒီ့နေရာမှာ “text” လို့ပဲထည့်လိုက်တယ်၊ ဒါဆိုရင်တော့ပြသနာရှိတယ်၊ “text” လို့ထည့်ထားရင် အဲ့ဒီ့ Form ထဲမှာ သင် password ရိုက်ထည့်လိုက်ရင် ရိုက်ထည့်တဲ့စာတွေအတိုင်းပေါ်နေမယ်၊ ဥပမာ သင်က yaungpyanlay ဆိုတဲ့ password ကိုရိုက်ထည့်ရင် အဲ့ဒီ့ yaungpyanlay ဆိုတဲ့စာသားနဲ့ ဂဏန်းတွေပေါ်နေမယ်၊ ဒါပေမယ့် “password” လို့ထည့်လိုက်ရင်တော့ အဲ့ဒီ့နေရာမှာပေါ်နေမှာကyaungpyanlay ကိုကိုစားပြုတဲ့ အနက်ရောင်အစက်လေးတွေဖြစ်နေမယ်၊ ဒါကြောင့် password လို့ထည့်သင့်တယ်၊ “text” လို့မထည့်သင့်ဘူး၊

အထက်က Form ရေးတဲ့ပုံစံကိုသေချာလေ့လာပါ၊ အဲ့ဒီ့ form ပုံစံကိုရေးတတ်သွားရင် အခြား Form တွေက အလွယ်လေးဖြစ်သွားမယ်၊

Radio Button

HTML Form တွေမှာ Radio button တွေကိုလဲ အသုံးများလှပါတယ်၊ တစ်ခုထပ်ပိုတဲ့ရွေးချယ်စရာတွေကိုပေးပြီး ကြိုက်ရာတစ်ခုကိုရွေးချယ်ခိုင်းတာပါ၊ အဲ့ဒီ့လိုအခါမှာ Radio Button တွေကိုသုံးရတယ်၊ သူတို့ကိုရေးတာလဲ အထက်က text area ကိုရေးတာနဲ့ အတူတူပါပဲ၊ ကွာတာကတော့ “text” ထည့်ရမယ့်အစား “radio” လို့ထည့်လိုက်ရတာပါ၊ အောက်က ဥပမာ ကိုကြည့်ပါ၊

<form>

Choose your sex, male or female nor gay: <br>

<input type="radio" name = "sex"  value = "male">  male<br/>

<input type="radio" name = "sex" value = "female"> female

</form>

အထက်က အတိုင်းရေးလိုက်ရင်တော့ အထီးလား အမလား ရွေးခိုင်းတဲ့ Radio Button လေးတွေပေါ်လာမှာပါ၊ အဲ့ဒီ့ Radio button လေးတွေထဲက တစ်ခုမှာ ခလစ်နှိပ်ပြီး သင်နဲ့ သက်ဆိုင်ရာ “လိင်” ကိုရွေးခိုင်းတာ၊ ရေးပုံက <input type = ရဲ့နောက်မှာ သုံးချင်တာ Radion button ဖြစ်တဲ့အတွက် “radio” လို့ထည့်ပေးလိုက်တယ်၊ ပြီးတော့ name attribute အဖြစ် “sex” ကိုထည့်တယ်၊ (name attribute ကလဲ အရေးကြီးတယ်နော် နောက်ပိုင်း javaScript သင်ခန်းစာကို သင်လေ့လာဖြစ်ခဲ့ရင် သဘောပါသွားမယ်)၊ နောက်ထပ် attribute တစ်ခုအဖြစ် value ကိုထည့်တယ်၊ သူ့အသုံးဝင်ပုံကိုနောက်ပိုင်းရှင်းပြပါဦးမယ်၊ Radio button တွေရဲ့နောက်မှာ မှ male နဲ့ Female တို့ကိုထည့်ထားတယ်၊ ဒါ့ကြောင့်  အဲ့ဒီ့ နာမည်တွေက Radio button တွေရဲ့နောက်မှာပေါ်နေမယ်၊ အောက်မှာကြည့်ပါ၊
အထက်က ပုံမျိုးရရင် Radio button လေးတွေထဲမှာ ခလစ်နှိပ်ကြည့်ပါ၊ တစ်ခုကိုပဲရွေးခွင့်ပေးလိမ့်မယ်၊ အကယ်၍ ရွေးချယ်မူတွေလဲများတယ်၊ ကြိုက်သလောက်လဲရွေးချယ်ခွင့်ပေးချင်တယ်ဆိုရင်ဖြင့် “check box” လေးတွေကိုသုံးနိုင်ပါတယ်၊ “checkbox” လေးတွေက လေးထောင့်ကွက်လေးတွေပါ၊သူတို့ကိုရေးပုံက

<form>

Choose What You Got : <br/>

<input type="checkbox" name="properties" value="kalays" > kalays <br/>

<input type="checkbox" name="properties" value="akhawy"> akhway<br/>

<input type="checkbox"  name="properties" value="dokekha"> dokekha <br/>

<input type="checkbox"  name="properties" value="Pasoe"> Pasoe <br/>

</form>

<form>

<input type="checkbox" name="Properties" value="Bike" /> I have a bike<br />

<input type="checkbox" name="Properties" value="Car" /> I have a car

</form>

အထက်က ကုတ်တွေကို Run ကြည့်လိုက်ရင်တော့ အောက်က ပုံအတိုင်းအဖြေကိုသင့်ဝက်ဆိုက်စာမျက်နှာမှာရရှိမှာပါ၊
အထက်ကတော့ Checkbox ထည့်တဲ့ ကုတ်ပါ၊ သူကတော့ သင့်ဝက်ဆိုက်ကိုလာလည်တဲ့သူကို ကြိုက်တဲ့ရွေးချယ်မူတွေကိုလုပ်ခိုင်းတာပါ၊ တစ်ခုထဲရွေးလဲရတယ် တစ်ခုထပ်ပိုတဲ့ ရွေးချယ်မူလဲလုပ်လို့ရတယ်၊နောက်ထပ်လေ့လာသင်တဲ့ form တစ်ခုကတော့ ရွေးချယ်ထား ဖြည့်စွက်ထားတဲ့ အချက်အလက်တွေကို Database ကိုပို့ပေးတဲ့ Submmit button ပါ၊ သူကိုရေးပုံကလဲ အခြား Form တွေကိုရေးတဲ့အတိုင်းပါပဲ၊ အောက်မှာကြည့်ပါ၊

<form>

<input type= “submit” name= “submit” value= “send”>

</form>

သူ့ရဲ့တည်ဆောက်ပုံကလဲ အခြား Form element တွေတည်ဆောက်ပုံအတိုင်းပါပဲ၊ ကွာခြားချက်ကတော့ သူက submit button လေးသုံးမှာဖြစ်တဲ့အတွက် သူ့ကို type= “submit” လို့ထည့်ပေးလိုက်ရုံပါပဲ။ ဒါဆိုရင် သင်သူ့ရှေ့မှာဖြည့်ခဲ့သမျှ အချက်အလက်တွေကို Database တွေစီကိုပို့ပေးမှာပါ၊အထက်က ကုတ်ကို Run ကြည့်လိုက်ရင်အောက်ပါအတိုင်း send လို့ရေးထားတဲ့ submit button လေးကိုတွေ့ရမှာပါ၊
အထက်က တော့ Form တွေကိုတည်ဆောက်ပုံပါ၊ element ကတော့ input type နဲ့ တွဲပြီး ကြိုက်တဲ့ အမျိုးအစားကိုသုံးနိုင်တယ်၊ နောက်သင်ခန်းစာမှာ ထပ်ပြီး ရှင်းမယ်၊


ပါဝင်ရေးသားကြသူမျာ.....

ရောင်ပြန်လေး(ရောင်ပြန်လေးနည်းပညာ)


No comments

Powered by Blogger.