မူပိုင်ခွင့်ချိုးဖောက်ခံရမှုအတွက် Facebook ကိုBlackBerryတရားစွဲ


BlackBerry ဟာ မူပိုင်ခွင့်ချိုးဖောက်ခံရမှုအတွက် Facebook ကိုတရားစွဲဆိုခဲ့ပါတယ်။ Facebook ရဲ့ messaging ဝန်ဆောင်မှုမှာ ပါဝင်တဲ့ feature များစွာဟာ BlackBerry မူပိုင်ခွင့်တွေကို ချိုးဖောက်ထားတယ်လို့ ကုမ္ပဏီက အင်္ဂါနေ့မှာ ဖွင့်ဟပြောကြားခဲ့ပါတယ်။

“Facebook ဟာ ကျွန်တော်တို့ရဲ့ ဥာဏဆိုင်ရာ ဥစ္စာပစ္စည်းကို ချိုးဖောက်ခဲ့တယ်လို့ အခိုင်အမာ ပြောလိုပါတယ်။ ဆွေးနွေးမှုတွေ နှစ်ပေါင်းများစွာ ပြုလုပ်ပြီးတဲ့နောက်မှာ သင့်တော်တဲ့ ဥပဒေရေးရာကိစ္စတွေ ဆောင်ရွက်ဖို့ ကျွန်တော်တို့ရဲ့ ရှယ်ယာရှင်တွေအပေါ် တာဝန်ရှိလာပါတယ်” လို့ BlackBerry က ထုတ်ပြန်ခဲ့ပါတယ်။

Facebook နဲ့အခြား ဝန်ဆောင်မှုတွေဖြစ်တဲ့ Instagram နဲ့ WhatsApp တို့ကို တရားစွဲဆိုမှုအတွင်း တရားပြိုင်အဖြစ် ထည့်သွင်းထားပါတယ်။ အဲဒီဝန်ဆောင်မှုတွေဟာ မိုဘိုင်း messaging လောကထဲကို နောက်ပိုင်းကာလမှ ရောက်ရှိလာတဲ့ အရာတွေလို့ ဖော်ပြထားပါတယ်။

Blackberry ဟာ တရားဝင်အမိန့်စာ ထုတ်ပြန်မှုနဲ့ ဆုံးရှုံးသွားတဲ့ အမြတ်ငွေအတွက် နစ်နာကြေးတွေ ရလိုတယ်လို့ သိရပါတယ်။ ရရှိလိုတဲ့ ငွေကြေးပမာဏကိုတော့ မသိရသေးပါဘူး။

“BlackBerry ရဲ့တရားစွဲဆိုမှုဟာ ကုမ္ပဏီရဲ့ messaging လုပ်ငန်းရဲ့ လက်ရှိအခြေအနေပေါ် သက်ရောက်မှုရှိပါတယ်။ ဆန်းသစ်တီထွင် ကြိုးစားမှုကို စွန့်လွှတ်ခဲ့တဲ့ Blackberry ဟာ အခြားသူတွေရဲ့ ဆန်းသစ်တီထွင်မှုကို အခွန်ကောက်ခံဖို့ ကြိုးစားလာပါတယ်။ ဒါကြောင့် တရားစွဲဆိုမှုကို ကျွန်တော်တို့ ဆက်လက်ရင်ဆိုင်သွားပါမယ်” လို့ Facebook အထွေထွေ ဥပဒေအကြံပေး ပေါလ်ဂရီဝေါလ်က ပြောကြား ခဲ့ပါတယ်။

“ကျွန်တော်တို့အနေနဲ့ Facebook နဲ့ messaging စွမ်းဆောင်ရည်မှာ ဖန်တီးထားတဲ့ တန်ဖိုးကို လေးစားပါတယ်။ အဲဒီ စွမ်းဆောင်ရည်ထဲက တချို့ကို BlacBerry ကတီထွင်ခဲ့ပါတယ်။ ဆိုက်ဘာလုံခြုံရေးနဲ့ embed software မှာဦးဆောင်နေတဲ့ BlackBerry ရဲ့အမြင်အရ Facebook, Instagram နဲ့ WhatsApp တို့ဟာ ချိတ်ဆက်မှုရှိတဲ့ အနာဂတ်အတွက် ကြီးကျယ်တဲ့ စီးပွားဖက်ကောင်းတွေ ဖြစ်လာနိုင်ပါတယ်။ ကျွန်တော်တို့က သူတို့အတွက် အဲဒီတံခါးကို ဖွင့်ထားဆဲပါပဲ” လို့ BlacBerry ကပြောခဲ့ပါတယ်။

Facebook ရဲ့ဝန်ဆောင်မှုတွေမှာ ပြုလုပ်ထားတဲ့ ပေါင်းစပ်ထည့်သွင်းမှုတွေက BlackBerry ရဲ့ မူပိုင်ခွင့်ယူထားတဲ့ နည်းပညာကို အခြေခံထားတာဖြစ်တယ်လို့ စွပ်စွဲထားပါတယ်။ ဥပမာအနေနဲ့ cross-platform သတိပေးချက်တွေ ခွင့်ပြုတာနဲ့ Instagram သုံးစွဲသူတွေက Facebook မှာ Stories တွေကို တိုက်ရိုက်ဝေမျှတဲ့ လုပ်ဆောင်ချက်တွေကို BlackBerry ကထောက်ပြခဲ့ပါတယ်။

Ref: CNBC

ပါဝင်ရေးသားကြသူမျာ.....


No comments

Powered by Blogger.