အမျိုးသားလွှတ်တော် ဝက်ဘ်ဆိုက်ကို ပြင်ဆင်ပြီး စမ်းသပ်လွှင့်တင်ခဲ့



အမျိုးသားလွှတ်တော်ရဲ့ တရားဝင် ဝက်ဘ်ဆိုက်စာမျက်နှာဖြစ်သော www.amyotha.hluttaw.mm ကို ဇန်နဝါရီလ ၂၂ ရက်မှ စတင်ကာ အသွင်အပြင်အသစ်၊ ပြည့်စုံသောအချက်အလက် ရှာဖွေမှုစနစ်တွေနဲ့ ပြင်ဆင်စမ်းသပ်လွှင့် တင်ခဲ့တယ်လို့ သိရပါတယ်။

ဝက်ဘ်ဆိုက်မှာ အဓိကအားသာချက် တစ်ခုအနေနဲ့ ပထမအကြိမ်လွှတ်တော်နဲ့ ဒုတိယအကြိမ် လွှတ်တော်ကို ခွဲခြားစစ်ထုတ်နိုင်သော filter တွေပါရှိလာပါတယ်။ ဘာသာစကားအနေနဲ့ မြန်မာဘာသာတစ်မျိုးတည်းသာ တင်ပြနိုင်ပေမယ့်လည်း Zawgyi နဲ့ Unicode နှစ်မျိုးစလုံးကို ထောက်ပံ့ပေးထားပါတယ်။ ဒါ့အပြင် အစည်းအဝေးကဏ္ဍမှာ အစည်းအဝေးအစီအစဉ်တွေ၊ အစည်းအဝေး မှတ်တမ်းတွေကို pdf နဲ့သာမက စာသားအနေဖြင့်ပါ ထည့်သွင်းဖော်ပြပေးထားပြီး ကိုယ်စားလှယ်တွေကဏ္ဍမှာ ရှာဖွေလိုတဲ့ လွှတ်တော်ကိုယ်စားလှယ်ရဲ့ မဲဆန္ဒနယ်မြေပုံကိုပါ ပူးတွဲပြသပေးထားတဲ့အတွက် လွှတ်တော်ကိုယ်စားလှယ်ရဲ့ ဆောင်ရွက်ချက်တွေ ကိုပါ တစ်ပြိုင်တည်း ကြည့်ရှုလာနိုင်မှာဖြစ်ပါတယ်။ ကော်မတီတွေကဏ္ဍမှာ ကော်မတီများအလိုက် ဆောင်ရွက်ခဲ့သော အစည်းအဝေးများ၊ အစီရင်ခံစာများ၊ လှုပ်ရှားမှုတွေ ကို တစ်နေရာတည်းမှာ ကြည့်ရှုနိုင်မှာဖြစ်ပါတယ်။

အကြံပြုချက်ပေးပို့လိုသူတွေအနေနဲ့လည်း amhwebsite@amyotha.hluttaw.mm ကို အီးမေးလ် ပေးပို့နိုင်မယ်လို့သိရပါတယ်။

-သန္တာ

No comments

Powered by Blogger.